“Бульбяны фэст” у Германавічах, як заўсёды, быў душэўным і шчырым, вясёлым і дружным, прыгожым і каларытным.
А зрабілі яго непаўторным госці свята. Асаблівая падзяка ад гледачоў і супрацоўнікаў музея самадзейным артыстам: Валянціне Пятроўскай і Уладзіміру Бурэню з Глыбокага, народнаму фальклорнаму калектыву Більдзюжскага СДК. Упрыгожылі свята сваімі выступленнямі ўдзельнікі мастацкай самадзейнасці Германавіцкага цэнтра культуры і народнай творчасці, Вялікасельскага і Сталіцкага сельскіх клубаў. Парадавалі прысутных цудоўнымі песнямі Іна Арлоўская і Сяргей Рымдзёнак.
У якасці ганаровага госця на свяце прысутнічала Райчонак Ада Эльеўна, пачынальнік “Бульбянога фэста”
Свята атрымалася па-сямейнаму цёплым, песенным, запамінальным, яскравым і смачным!!!